Հրազդան քաղաքում կան շենքեր, որոնք խորհրդային տարիներին պատկանել են Հրազդանում գործող խոշոր արդյունաբերական գործարաններին: Այժմ այդ շենքերում ապրում են գործարանների նախկին աշխատակիցներ և այլ քաղաքացիներ: Նրանք այսօր կանգնել են մեկ խնդրի առջեւ. շենքերը, որոնք տարիների ընթացքում չեն վերանորոգվել` փլուզման վտանգի առջեւ են կանգնած: Որորշ շենքերի պատերին ճաքեր են գոյացել, որոշներում նույնիսկ ծառեր են աճել: Այժմ բնակիչները ստիպված պետք է լքեն իրենց բնակարանները:
«5 հարկանի շենք է, բայց 5 ընտանիք չի ապրում: Մենք էլ արդեն երկու անգամ փոքրկ վերանորոգում ենք արել, բայց իզուր, օր օրի շենքի ճաքերը մեծանում են, թե ինչ պետք է անենք` դեռ չգիտեմ: Ստիպված տարների արած մեր գործը պետք է ջուրը ընկնի, դուռը փակենք ու գնանք վարձով ապրենք, որ չփլվի վրներս»,-ասում է շենքի բնակչուհի տիտկին Անահիտը:
Վերջին օրերին տեղացած անձրևներն էլ իրենց սև գործն են արել. կան շենքեր, որոնց տանիքներն անբարեկարգ վիճակում են և 5-րդ հարկում բնակվող բնակիչներն ապրում են անձրևի կաթիլների ներքո:
ԷՄԻՆ ՄԱԹԵՎՈՍՅԱՆ
Աղբյուրը՝ mynews.am