Լոռու մարզի Աքորի համայնքում արդեն մի քանի օր է խոզերը սատկում են և գյուղացիները չեն կարողանում կանխել: Վերջին երկու օրերին, ըստ գյուղացիների, գյուղում սատկել է 15-ից ավել խոզեր:
«Մեկ մեծ խոզ ունեի, որը վերջերս էր 7 հատ ձագ հանել: Մեկ շաբաթ առաջ կեր չէին ուտում, մտացծում էի երևի որ մեկ խոզին վաճառեցի դա է պատճառը, բայց երբ անասնաբույժը նայեց, ասավ, որ հիվանդ են, թե ինչ հիվանդ են` դժվարացավ պատասխանել, բայց խորհուրդ տվեց դեղ առնել գոնե կանխելու համար, իսկ դեղերը մեր վրա արժեցավ 7500 դրամ: Բայց անօգուտ, բոլորն էլ սատկեցին ու նույնիսկ չհասցրեցի մորթել, քանի որ արդեն սատկել էին»,- ինձ հետ հեռախոսազրույցում վրդոված պատմեց տիկին Անահիտը, ով և նշեց, որ խոզերի կերը իրենք գնել են նաև 5500 դրամով և հիմա օգուտի փոխարեն մեծ վնասներ են կրում:
Գյուղացիները հույս ունեն, որ գոնե օգնություն կամ փողհատուցում կլինի:
Հավելեմ նաև, որ նույն իրավիճակում են գտնվում նաև հարակից գյուղերը:
ԷՄԻՆ ՄԱԹԵՎՈՍՅԱՆ
Աղբյուրը՝ mynews.am