ՍԵՊՏԵՄԲԵՐԻ 22-Ը ՄԻՀՐԱՆ ԾԱՌՈՒԿՅԱՆԻ ԾՆՆԴՅԱՆ ՕՐՆ Է

Սեպտեմբերի 22-ին երգիչ Միհրան Ծառուկյանի ծննդյան օրն է:Այսօր երգիչը դարձավ 26 տարեկան:Այս առթիվ երկրպագուները շնորհավորանքներ և բարեմաղթանքներ են գրել երգչի ֆեյսբուքյան էջում:

Միհրան Ռոբերտի Ծառուկյան ծնվել է 1987 թվականի սեպտեմբերի 22-ին Երևան քաղաքում:

1994-2004 թվականներին սովորել է Երևանի թիվ 120 դպրոցում:1996-2001 թվականներին սովորել է Սպայի տան երգի ստուդիայում:

1996-2004 թվականներին սովորել է «Ստիլ» պարային ակումբում: Նույն տարիներին մասնակցել է բազմաթիվ պարային մրցույթների և ունեցել է բազմակի հաղթանակներ Հայաստանի առաջնություններում: Սպորտային պարերի միջազգային առաջնությունում համարվել է հաղթող:

2004-2008 թվականներին սովորել է Երևանի Կոմիտասի անվան Պետական Կոնսերվատորիայի Ջազ-վոկալ բաժնում:

2006 թվականին մասնակցել է «Հայ-Սուպերսթար» նախագծին և միաժամանակ զբաղվել իր կարիերայով:

2006 թվականից աշխատել է Երևանի տարբեր ակումբներում, որպես երգիչ:

2008-2010 թվականներին ծառայել է ՀՀ ՊՆ Սպայի տան երգի էստրադային համույթում:

2009 թվականին նկարահանել է առաջին տեսահոլովակը:

2011 թվականին «Արմենիա» հեռուստաընկերությունից ստանում է առաջարկ` նկարահանվելու «Դժվար ապրուստ» հեռուստասերիալի գլխավոր դերում: Ձայնագրվում է նաև սերիալի սաունդթրեքը` «Հավատա» երգը Միհրանի կատարմամբ, որի հիման վրա նկարահանվում է տեսահոլովակ: «Հավատա» երգը մրցանակաբաշխության ժամանակ ճանաչվում է տարվա լավագույն սաունդթրեք:

2011 թվականին համագործակցելով Լիլիթ հովհաննիսյանի հետ ձայնագրել է «Ինչու եմ քեզ սիրում» զուգերգը, որը շատ կարճ ժամանակում զբաղեցրել է TOP մրցույթների առաջին հորիզոնականները և ճանաչվեց տարվա լավագույն զուգերգ:

2011 թվականի աշնան և ձմռան ամիսներին իր առաջին համերգներով ներկայացել է Հայաստանի մարզերում և Ղարաբաղում:

2012 թվականի ապրիլ ամսին թողարկել է առաջին դեբյուտային ձայնասկավառակը:

Ամուսնացած չէ:

Նյութը` ԷՄԻՆ ՄԱԹԵՎՈՍՅԱՆԻ