Աղբի առկայությունը Հայաստանի տարբեր մարզերում կարծես թե պարտադիր է: Դիլիջանի Թաղտա թաղամասում հավաքված աղբն ամիսների, ինչու չէ, նաև տարիների պատմություն ունի: Բանն այն է, որ բնակիչներն աղբը գցում են այնտեղ, որտեղ իրենց հարմար է՝ չգիտակցելով, որ եղանակի տաքացման պատճառով այն իրեն հիշեցնել կտա:
Այս օրերին տվյալ տարածքում քայլելն անհնար է: Հավաքված աղբն արդեն ստեղծել է հակասանիտարահիգենիկ վիճակ, իսկ համապատասխան մարմիները, ինչպես երևում է, մաքրման աշխատանքները դեռ չեն սկսում:
Որոշ բնակիչներ դիմել են տեղի «Օրհուս» կենտրոնին՝ խնդրին լուծում գտնելու համար, իսկ թե ինչո՞ւ չեն դիմել համապատասխան մարմիններին, նրանք պատասխանեցին. «Անող լինեին՝ ժամանակին կանեին ու չէին թողնի, որ լցնեին և այսօր էս օրին լինեինք»:
Էմին Մաթևոսյան
Աղբյուրը՝ mynews.am